A Escola de Artes de Ardebullo é un foro de cursos e obradoiros de teatro, baile, música, exercicios e moitas outras cousas para nenos e maiores. As clases, apadriñadas por Nucha e Mucha, abarcan todas as disciplinas, desde o teatro aos malabares, da música á ximnasia.
Polo momento, os cursos impártense nas instalacións de AiraPro en Carral (A Coruña), pero poderían trasladarse a outros lugares, porque a Escola de Artes de Ardebullo non ten límites!

CURSO 2010-2011
A PARTIR DE OUTUBRO
Infórmate no 981670311, en info@airapro.com, ou nas oficinas de AiraPro en Carral (Paraíso, 15 baixo)

Os horarios son orientativos, confirmaranse en función da dispoñibilidade de alumnos e profesor • Matrícula para novos alumnos: 30€ •Os antigos alumnos (imprescindible ter pagadas todas as mensualidades do ano anterior) poderán reservar praza cun pago de 30€ que se lles descontará da primeira mensualidade • O prazo para matricularse ou facer a reserva de praza remata o 24 de setembro • Descontos do 10% a irmáns e a antigos alumnos que traian novos socios • Os pagos das cotas realizaranse a mes vencido a primeira semana de cada mes • Os cursos que non teñan un mínimo de alumnos para outubro comezarán cando se completen • Os cursos impartiranse nas instalacións de AiraPro en Carral: r/Paraíso, nº15, baixo

PILATES

Horario: Luns e mércores de 21:30 a 22:30 • Duración: 2 hs semanais • Prezo: 45€/mes •  O curso: Método  de reeducación postural que se centra no desenvolvemento dos músculos internos para manter o equilibrio corporal e dar estabilidade e firmeza á columna, polo que tamén é usado como complemento en rehabilitacións. Indicado para todas as idades e todo tipo de persoas, desde os que levan unha vida máis sedentaria aos deportistas • Beneficios: Aumento da resistencia e da forza física e mental • Alivio das dores de espalda máis comúns (lumbalxias, dores cervicais, contraturas, dores musculares…) • Mellora da elasticidade, o equilibrio e a mobilidade articular • Corrixe a postura, creando músculos máis longos e estables • Tonificación xeralizada do corpo • Fortalecemento do solo pélvico (moi importante na prevención de perdas de orina, problemas de próstata....)

TEATRO
INFANTIL E ADULTOS

Horario adultos: Xoves de 20:30 a 22:30 • Horario nenos (até 14 anos): Sábados de 11 a 13 • Prezo: 40€/mes • O curso: O curso pretende potenciar a actividade teatral desde os eixos da comedia (a busca de característicos/personaxes-tipo, o ridículo, a procura do gag,  os xogos de palabras, a repetición, o ritmo, o enredo,…). Os alumnos buscarán a súa propia imaxe cómica (axudados por elementos de caracterización e maquillaxe), as posibilidades humorísticas de cada un (capacidade física e vocal), así como a exposición periódica de pequenas escenas onde se amose a aprendizaxe, apoiados en técnicas coma o clown, a comedia da arte, o bufón,  así coma dos legados de grandes comediantes da historia • Programa (grupo adultos): Desinhibición, xogo, confianza, caracterización de personaxes • Investigación da propia imaxe, clown, máscara… • Comedia da arte e grandes comicos da historia